Каррагер: "Стерлинг оғзини ёпиб, бошқа агент қидирсин"

"Раҳим Стерлинг - катта чақалоқ. Унга агентини алмаштиришни маслаҳат берган бўлар эдим. 20 ёшли йигитча "Ливерпуль"га буюруқ беришга уринаётгани жаҳлимни чиқаряпти. Стерлинг шу руҳда давом этади. Брендан Рожерс эса Раҳим ёзда клубни тарк этмайди деди, аммо менимча, у "Ливерпуль" раҳбариятига таъсир ўтказмоқчи.

"Ливерпуль" ўтган мавсумни фантастик ўтказди. Клуб чемпион бўлиши мумкин эди. Агар кўпроқ пул ва совринга эга бўлишни истасангиз, сиз буларни ишлаб топишингиз керак. "Ливеруль" бу йили нимани қўлга киритди? Ҳеч нарса.

Муҳим ўйинларда яхши ҳаракат қилиш зарур. "Астон Вилла"га қарши Англия Кубоги ярим финали мен бу босқичда кўрганларимнинг энг ёмони. Бу "Ливерпуль"нинг муҳим учрашуви эди ва Стерлинг баҳсда ўзини кўрсата олмади.

Агар соврин қўлга киритмоқчи бўлсанг, ўз савиянгни оширишинг зарур. Стерлинг оғзини ёпиб, футбол ўйнасин. Унинг ўрнида бўлганимда машғулотга келишдан ва хаттоки ресепшнда ишлайдиган қизга кўринишдан уялган бўлар эдим" - дейди Каррагер.