Журналист Уткин Россия терма жамоасини йўқ деб ҳисобламоқда

- Менимча, Россияда терма жамоа йўқ. Бу якунланган лойиҳа. Менга Россия терма жамоасининг ўйинлари умуман қизиқ эмас. Руминия билан бўладиган ўйинни кўраман, деб айта олмайман. Балки қайсидир бар ёки ресторанда ўйинни шарҳлашим мумкин. Буни фақат ўз бизнесимни ушлаб туриш мақсадида қиламан. Терма жамоамизнинг ўйини мени қизиқтирмайди. Масалан Қатарга қарши ўйинни кузатдим. Ўша баҳсда нималар руй берди? Футбол мухлиси сифатида тўплаган катта тажрибамдан келиб чиқиб айта оламанки, кўплаб ўйинларни кўрганман, аммо бу учрашувда ҳеч нарсани кўрганим йўқ. Нима учун мен 90 дақиқа вақтимни бекорга сарфлашим керак? Терма жамоани қўллаб-қувватлаш учунми?
Мен Россия терма жамоаси ўйини ва мени эҳтиросларим ўртасида ҳеч қандай боғлиқликни кўрмаяпман. Қачонки терма жамоа ўйинида маъно ва мазмун пайдо бўлса, ўшанда Россия иштирокидаги ўйинларни кузатишим мумкин.