Жисмоний тарбия ва спорт вазири “Қизилқум” - “Локомотив” учрашувини стадиондан кузатиб боради
01 мар 2018 17:06
Янгиликлар

Жисмоний тарбия ва спорт вазири “Қизилқум” - “Локомотив” учрашувини стадиондан кузатиб боради

Хабарингиз бор, бугун Суперлиганинг янги мавсуми бошланади. 1-турнинг иккита ўйини “Қизилқум” – “Локомотив” ва “Нефтчи” – “Насаф” учрашувлари бугун бўлиб ўтади.

Ўзбекистон Миллий Олимпия қўмитаси президенти ва Ўзбекистон футбол Ассоциацияси 1-вице-президенти Умид Аҳмаджонов Суперлиганинг очилиш учрашувларидан бири бўлган “Нефтчи” – “Насаф” учрашувини Фарғона шаҳридаги “Истиқлол” стадионидан бевосита кузатиб бориши ҳақида хабар бериб ўтгандик.

Навоий шаҳрида бўлиб ўтадиган “Қизилқум” – “Локомотив” ўйинини Жисмоний тарбия ва спорт вазири Шоакром Исроилов бевосита стадиондан кузатиб боради.

Бундан ташқари, Шоакром Исроилов Навоийга ташрифи давомида вилоятда спорт ривожи йўлида амалга оширилаётган чора-тадбирлар билан яқиндан танишиб, спорт мактаблари ҳолатини кўздан кечиради.

Эслатиб ўтамиз, Суперлиганинг 1-туридан ўрин олган “Қизилқум” – “Локомотив” учрашуви соат 18:00да бошланади.