ЖЧда ишлаган ягона футзал ҳакамимиз яна бир ёшга улғайди

Бугун, 18 январь куни футзал бўйича собиқ ФИФА ҳаками Шуҳрат Пўлатов таваллуд топган кун. Футзал бўйича Жаҳон чемпионатининг финал босқичида иштирок этган ягона ҳакамимиз бугун 45 ёшга тўлди. У шунингдек, Қозоғистонда ўтказилган клублар ўртасидаги жаҳон чемпионатида ҳам ишлаган. 

Ўзбекистон футбол ассоциацияси вице-президенти Равшан Эрматовнинг тавсияси билан ҳакамлик фаолиятини бошлаган Шуҳрат ака футзал рефериси сифатида айтишга арзигулик ютуқларни қўлга киритган. Футзал оламида яхшигина обрўга эга. Унинг укаси Умид Пўлатов ҳам ака изидан бориб, футзалда ҳакамлик қилмоқда. Бугунги қаҳрамонимиз эса айни пайтда "Пахтакор" клуби тизимида фаолиятини давом эттиряпти.        

Фурсатдан фойдаланиб, сайтимизнинг барча ходимлари ва мухлислари номидан Шухрат Пўлатовни таваллуд аёми билан табриклаймиз! Унга барча эзгу ниятларимизни тилаймиз. Шуҳрат ака, оила аъзоларингиз, фарзандларингиз бахтига соғ-саломат бўлинг!