Жасур Жалолиддинов: "Алексей Миранчук билан танишмоқчиман, биз бир хил услубда ўйнаймиз"
29 июл 2020 21:39
Янгиликлар

Жасур Жалолиддинов: "Алексей Миранчук билан танишмоқчиман, биз бир хил услубда ўйнаймиз"

"Бунёдкор"дан "Локомотив" (Москва)га ўтган ярим ҳимоячи Жасур Жалолиддинов ўзининг трансфери ҳақида гапирди.

"Албатта, мен "Локомотив" ҳақида кўп нарсани биламан. Клубга ўтгунимга қадар чемпионлик ҳақида фильмни кўрдим, клуб тарихини ўргандим. Жамоада қандай футболчилар ўйнаётганини биламан.

Алексей Миранчук билан танишмоқчиман, биз бир хил услубда ўйнаймиз, мен ҳам чапақайман.

Бироз асабийлашмоқдаман, аммо бу яхши ҳолат, чунки мен жавобгарликни ҳис қилмоқдаман. Ўйин бошланганда, ҳаяжон ўтиб кетади", - дейди Жалолиддинов.

Ўзбекистонлик футболчи "Локомотив" билан 5 йиллик шартнома имзолади. 18 ёшли ҳамюртимиз "Локо" сафида 23-рақам остида тўп тепади.

→ "Локомотив" Жасур Жалолиддинов трансферини расман эълон қилди