Жасур Абдураимов: "Бунақа вазиятда кимдир пенальти беради, кимдир эса йўқ"
19 сен 2021 21:25
Янгиликлар

Жасур Абдураимов: "Бунақа вазиятда кимдир пенальти беради, кимдир эса йўқ"

Теглар : Жасур Абдураимов "Металлург"Coca Cola Суперлига

Coca-Cola Суперлиганинг 19-туридан ўрин олган "Металлург" - "Қўқон-1912" (0:1) учрашувидан сўнг мезбонлар бош мураббийи Жасур Абдураимов матбуот анжуманида иштирок этди.

- Ўйин ҳақида

- Ўйин ҳақида фикрларим? Фикрлар, фикрлар ва яна фикрлар. Булар жуда кўпайиб кетди. Бугун яхши ўйнадик. Ўйин давомида ҳимояда хатоларга ҳам йўл қўйдик. Биз олдинда ўйнадик, ҳатто дуранг ҳам биз учун ёмон натижа эди. Энди тасаввур қилаверинг. Ҳакам ҳақида гапирмайман, ўйинга қараб айтиш мумкин, устунлик биз томонда бўлди.

- Ўтган турда жамоа 7 турдан сўнг ғалаба қозонганди. "Металлург" бу қийинчиликдан чиқиб кета олмаяптими?

- Руҳан муаммо бўлса, жамоа ўйинни назорат қила олмайди.

- Демак, жамоа ўйинидан мамнунсиз?

- Ҳа, жамоа ёмон ўйнагани йўқ. Бунақа вазиятда кимдир пенальти беради, кимдир эса йўқ. Бугун ўтган ўйинлардан фарқли равишда ҳимояда битта хатога йўл қўйдик. Пенальти бўйича фикр билдириш менинг ваколатимга кирмайди.

- Иброҳим Ибрагимовнинг майдонга тушмаганига сабаб нима эди?

- У жароҳат олган, шу сабаб ўйнамаяпти.

Ҳавола :

Манба : championat.asia

Янгиликларни Телеграмда ўқинг!

Рейтинг: