Жанубий Корея футболчилари ва ходимларининг Осиё кубоги пайтида пул тикиш эвазига карта ўйнагани ошкор қилинди
15 мар 2024 00:53
Янгиликлар

Жанубий Корея футболчилари ва ходимларининг Осиё кубоги пайтида пул тикиш эвазига карта ўйнагани ошкор қилинди

Жанубий Корея терма жамоасининг баъзи футболчилари ва ходимлари Осиё кубоги пайти пул тикиш эвазига карта ўйнагани маълум бўлди.

Корея футбол ассосиасияси томонидан ўтказилган текширув натижасида улар турар жой залида ҳар бир ўйин учун 1000 дан 5000 вонгача (1–4 АҚШ доллари) белгиланган нархларда карта ўйнагани тасдиқланди.

Ташкилот расмийсининг хабар беришича, ҳар бир ўйинда энг кўп мағлуб бўлган футболчининг ютқазган пули 40-50 минг вон (30–38 АҚШ доллари) оралиғида эканлиги аниқланган.

Бироқ ассоциация улар ўртасидаги ўйинни "қимор" деб ҳисобламаган. Шунга қарамай, унда иштирок этган терма жамоа ходими ишдан бўшатилган.

Қайд этилишича, мазкур ўйинларда, асосан, 28 дан қуйи бўлган ёш футболчилар иштирок этишган.

Аввалроқ терма жамоа лагерида Сон Хён Мин ва Ли Кан Ин муштлаштгани тўғрисида хабар берилганди.

Ҳавола :

Манба : YNA

Янгиликларни Телеграмда ўқинг!

Рейтинг: -4