UZ

Сўнгги янгиликлар

19:05АПЛ. "Брайтон" - "Манчестер Сити" 0:1 (матнли трансляция)  9 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

Жанлуижжининг қайтиши. Италиянинг энг яхши дарвозабони Янгиликлар

Жанлуижжининг қайтиши. Италиянинг энг яхши дарвозабони

Жанлуижжи римликларга қарши баҳсда яхши ўйнади. Гол бўлганда ҳам ажойиб ҳаракатлари билан дарвозани сақлаб қолишга уринди.

Дарвозабон юқори баллга эга бўлди. Журналист ва мухлисларни фақат бир савол қизиқтирди: "У аввал қаерда эди?". "Милан"даги ўрнини сақлаб қолиш борасидаги гап-сўзлар мавсум бошида айниқса, кўп тўп ўтказиб юборилган пайтда авж олди. А Сериянинг дастлабки 10та ўйинида "қизил-қоралар" тўп ўтказиб юборди, "Наполи" ва "Интер"га қарши баҳсда эса мағлуб бўлди. Дербида урилган гол ёш кипер авторитетига салбий таъсир қилди, лекин мураббий уни қўллаб-қувватлаб, клубнинг асосий посбони лавозимини унга ишониб топширди.

19 ёшли дарвозабон унга билдирилган ишончни оқлашга ҳаракат қилди. У "Милан" ҳимояси борасидаги масъулиятли ишни ўз зиммасига олиб, етакчи ўйинчилар сафига қўшила олди. Ва нихоят, Доннарумма унга бўлган яхши муносабат, маҳоратига бўлган ишонч, жамоага кераклигини ҳис қилган ҳолда ўз ампуласи учун керак бўлган жасоратга эришди.

Жованни Галли, "Милан" собиқ дарвозабони: "У 17-18 ёшида хато қиларди, балки жуда кўп қўпол хатоларга йўқ қўйгандир. Энди у улғаймоқда, ундан умидим катта. Жанлуижжи ўзини тўлиқ намоён эта олади".

Дино Дзофф, Италия термаси собиқ дарвозабони ва мураббийи: "Доннарумма ўзини бошқара оладиган тажрибали ўйинчи бўлиб вояга етди. У хатолардан энди ўзини йўқотиб қўймаяпти. У "Рома"га қарши баҳсда бир вақтнинг ўзида 2та сейв қила олди".

Жанлука Пальюка, Италия термасининг 90-йиллардаги дарвозабони: "Сўзсиз, у терманинг биринчи рақамли дарвозабони. Жисмонан бақувватлиги ва ўз устида яхши ишлашини ҳисобга олсак, у энг яхши дарвозабонлардан бири бўлишига шубҳа йўқ".

Ҳозирда "Милан" ҳужум борасида оқсамоқда, янги ўйинчилар келиши вазиятни яхши томонга ўзгартириши мумкин. Бироқ кўп нарса ҳимояга ҳам боғлиқ. Сўнгги ўйинларда айнан мудофаа чизиғи ва дарвозабон катта масъулиятни ўзига олди. Аслида Рино Гаттузонинг ўйин услуби ҳам айнан шундай.

Чемпионлар Лигасидаги ўрин учун курашда Гаттузо жамоасининг посбони жисмоний кўриниши катта аҳамият касб этиши мумкин. Мутахассислар "қизил-қораларнинг" навбатдаги ўйинлари Европанинг асосий турнирига чиқиш учун ҳал қилувчи омил бўлишига ишонишмоқда. "Кальяри" , "Аталанта"  ва  "Эмполи" — жамоанинг февралдаги рақиблари ҳисобланади. Бергамода ғалаба қозониб, "Сан-Сиро"да ҳам очко олиши — 2019/20 йилги Чемпионлар Лигаси учун қўйилган катта қадам бўлади.


Нозима Зарипова таржимаси

Рейтинг: +22   

Фикрлар

championat.asia
< сўнгги янгиликларни кўриш
Яндекс.Метрика