Жаҳонгир Маҳкамов: "Акмал Холматовнинг тажрибаси жамоамизга фойда келтирмоқда"

Бугун Бухоро вилоятининг “Лабса” жамоасига қарши ўйнадик. Биринчи бўлимда мураккаб вазиятга тушиб қолдик. Танаффусга чиққанимизда 0:2 ҳисобида мағлубиятга учраётган эдик, 15 дақиқалик имкониятдан фойдаланиб жамоамиз футболчиларига тегишли кўрсатмаларни бердик, уларни руҳан қўллаб-қувватлаб, кайфиятларини кўтаришга ҳаракат қилдик. Иккинчи бўлимда 3 та гол уриб, якунда ғалаба қозондик. Бугунги ғалабамиз иродали бўлди деб ўйлайман. Жамоамиз мухлислари учун хурсандмиз, бугунги ғалабани мухлисларга бағишлаймиз.

Ўзбекистон Ёшлар Иттифоқи васийлигидаги “Ифтихор” клубимизнинг охирги турлардаги натижалари бир оз пасайиб кетди. Бунга сабаб етакчи футболчиларимизнинг жароҳат олганлиги ёки маълум бир сабабларга кўра майдонга туша олмаганликлари туфайли юз берди деб ўйлайман. Жамоамизда тажрибали футболчи бор, ҳаммаларинг танийсизлар, таниқли футболчи Акмал Холматов. Акмал Холматовнинг тажрибаси жамоамизга жуда катта фойда бермоқда, у майдонда ҳаракат қилса, ёш футболчиларга ўргатади, ўрнак бўлади, умуман олганда ўйинимизни ташкил этади.

“Ифтихор” жамоаси ўйиндан ўй инга шаклланиб бораяпти, келажакда кучли ва рақобатбардош жамоага айланамиз деган умиддаман.  

Бекзод Толибов ёзиб олди.

“Ифтихор” матбуот хизмати билан хамкорликда тайёрланди.