Иззатилло Пўлатов: "Халқимиз қўллаб-қувватлаб турса, барчасига бирга эришамиз"

Терма жамоамиз аъзоси Иззатилло Пўлатов олдиндаги ўйинлар ва рақиблар ҳақида фикрларини билдирди.

"Саудия Арабистони билан ўйинга тайёргарликни бошлаб олдик. Уларни ўрганишни бошлаганмиз. Худо хоҳласа, халқимизни хурсанд қилишга ҳаракат қиламиз. Бундай ўйинларга анча вақтдан буён чанқоқ бўлиб турибмиз",- дейди Иззатилло Пўлатов.

- Саудия Арабистони қанчалик ўрганилмоқда?

Рақиб жамоани аста-секин ўрганиб бормоқдамиз. Кучли ва кучсиз томонларини кўриб чиқяпмиз. 

- Гуруҳдаги иккинчи кучли рақиб Япония ҳақида...

Ҳозирча бор эътиборимизни Саудия Арабистонига қаратганмиз. Бу тўсиқдан муваффақиятли ўтиб олсак кейин Японияга ҳаракатни бошлаймиз. 

- Терма жамоада кучли таркиб шаклланган. Осиё Кубогида чемпионликни қўлга кирита оламизми?

- Осиё Кубогида чемпионликни қўлга киритишга кучимиз етади. Халқимиз қўллаб-қувватлаб турса барчасига биргаликда эришамиз.