Италия суперкубоги бошқа санага кўчирилмайди
02 янв 2022 21:28
Янгиликлар

Италия суперкубоги бошқа санага кўчирилмайди

Италия суперкубоги учун ўтказиладиган ўйин тақдири ниҳоят ҳал бўлди. Сўнгги пайтларда ушбу баҳснинг қолдирилиши ёки бекор қилиниши ҳақида кўплаб миш-мишлар тарқалганди, аммо ўйин ўз вақтида ўтказиладиган бўлди.

Миш-мишларга коронавирус билан касалланганлар сонининг кўпайиши сабаб бўлди. Бундан ташқари, стадион сиғими чегарасининг 75 фоиздан 50 фоизга туширилиши чипталар даромадига (минус 1,5 миллион евро) таъсир қилади.

Бироқ А Серия раҳбарияти мамлакат чемпиони "Интер"нинг кубок соҳиби "Ювентус"га қарши "Сан-Сиро"да 12 январь куни белгиланган вақтда ўйнашини маълум қилди.

Эслатиб ўтамиз, иккала клуб ҳам мавсум якунида ушбу ўйинни қолдириш тарафдори эди.

Ҳавола :

Манба : Football Italia

Янгиликларни Телеграмда ўқинг!

Рейтинг: +4