Испания кубоги финали вақтида Родригонинг уйини тунаб кетишди

As хабарига кўра, Родриго Испания кубоги финали доирасида 6 май, шанба куни «Осасуна»га қарши ўйнаётган пайтда, унинг Мадриддаги уйини тунаб кетишган. Бразилиялик 22 ёшли футболчи ота-онаси билан яшаётган уйда ўша пайтда ҳеч ким бўлмаган. Родригонинг оила аъзолари ҳам финални томоша қилиш учун Севильяга йўл олган. Полиция ҳозирда жиноятчиларни қидирмоқда. Зарар миқдори қанча экани ҳозирча номаълум.

Маълумот учун, финалда Родригонинг дубли (2:1) «Реал»га Испания кубоги ғолиблигини келтирди.