“Интер” Наингголан борасида бир қарорга келган

Италиялик журналист Фабрицио Романо хабарига кўра, белгиялик ярим ҳимоячи Ража Наингголан “Интер”дан кетмайди. Миланликлар футболчи трансфери борасида “Галатасарой” билан ҳеч қандай музокара олиб бораётгани йўқ. Аввалроқ турк клуби Ражани ижарага олиши мумкинлиги айтилганди.

Шунингдек, “Кальяри” президенти Томмазо Жулини “Интер” 32 ёшли футболчини ўз сафида олиб қолишни хоҳлаётганини маълум қилган. Ража ўтган мавсумни “Кальяри” сафида ижарада ўтказди. У ўтган мавсум А Cериянинг 26 та ўйинида қатнашиб, 6 та гол урди ва 7 та голли узатмани амалга оширди.