Илҳом Шарипов: "Орол" билан сунъий майдонда ўйнаш "Динамо" учун синов"
29 апр 2016 11:04
Янгиликлар

Илҳом Шарипов: "Орол" билан сунъий майдонда ўйнаш "Динамо" учун синов"

Биринчи Лига 6-тури доирасида Самарқанднинг «Динамо» жамоаси Нукусда «Орол» клуби меҳмони бўлади. Ушбу баҳс олдидан жамоа бош менежери Илҳом Шарипов фикрлари билан қизиқдик.

«Ўтган турда «Хоразм»га қарши ўтган учрашувдаги ғалаба жамоамиз кайфиятини кўтариб юборди. Йигитларда майдонга тушиш ва ғалаба иштиёқи кучли» - дея гап бошлади «Динамо» устози.

«Рақибимиз «Орол» жамоаси ўтган турда «Зомин» клуби устидан ўз майдонида 5:2 ҳисобидаги ғалабага эришгани Нукус клуби футболчиларининг бизга қарши юқори кайфият ва босимсиз тўп суришларини таъминлайди. Қолаверса, «Орол»га қарши сафарда тўп суриш кўпчилик жамоалар учун қийин. Сабаби, «Орол» Нукусда сунъий қопламали майдонда тўп суради. Биз жорий мавсумда фақат табиий майдонларда тайёргарлик кўрган эдик. Сунъий қопламада ўйнашимиз «Динамо» учун жиддий синов бўлади. Вазифамиз Олий Лигага қайтиш экан, ҳар қандай қийинчиликларни енгиб ўтиб, ғалаба қозонишимиз шарт» - дейди Илҳом Шарипов ўйиндан олдин.

Эслатиб ўтамиз, 29 апрель, жума куни Нукус шаҳрида ўтадиган «Орол» - «Динамо» учрашуви соат 17:00да бошланади.

«Динамо» Матбуот хизмати.

Ҳавола :

Манба : fcdinamo.uz

Янгиликларни Телеграмда ўқинг!

Рейтинг: +1