Иброҳимҳалил Йўлдошев: "Тўпни эгаллаб олганимдан сўнг фақат дарвозага зарба беришни ўйладим"
20 мар 2021 00:10
Янгиликлар
Иброҳимҳалил Йўлдошев: "Тўпни эгаллаб олганимдан сўнг фақат дарвозага зарба беришни ўйладим"
Суперлиганинг 3-турида "Пахтакор" Олмалиқда АГМК меҳмони бўлди ва 3:0 ҳисобида ғалаба қозонди.
Мазкур учрашувдан сўнг меҳмонларнинг учинчи голига муаллифлик қилган Иброҳимҳалил Йўлдошев сайтимизга фикрларини билдириб ўтди.
"АГМК жамоаси ўтган мавсум бежиз Суперлигада кучли учликдан жой олмаганди. Мазкур баҳсга яхши тайёргарлик кўргандик, иштиёқ ва хоҳиш кучли эди. Рақиб ҳам ўз мухлислари қаршисида бизга қарши муносиб ўйнашга ҳаракат қилди. Биринчи бўлимда ўйинни назорат қилдик ва гол ҳам урдик. Бу эса табиийки қўшимча устунлик бериши тайин эди.
АГМК кўпроқ қарши ҳужумда бизни жазолашга интилди. Иккинчи бўлимда ташаббус бироз мезбонлар томонига ўтди. Бир нечта голли вазиятлар яратишди. Лекин якунда биз уч очкони қўлга киритдик. Тўпни эгаллаб олганимдан сўнг фақат дарвозага зарба беришни ўйладим",- дейди Йўлдошев.
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
"Шармандалик, бу шармандалик!"
Фикрлар