Ибрагимович "Милан" билан соврин қўлга киритса, фаолиятини якунлаши мумкин

La Gazzetta dello Sport хабарига кўра, 40 ёшли мутахассис ушбу мавсумда "Милан" билан А Серия ёки Италия кубогида ғолиб чиқса, фаолиятини якунлашшга қарор қилиши мумкин. Ибрагимовичнинг бу фикрига Швеция терма жамоасининг ЖЧ-2022га чиқолмагани сабаб бўлган.

Швециялик футболчининг амалдаги шартномаси ёзда якунланади ва уни узайтириш бўйича музокаралар ҳали бошланмаган. Йилига 7 миллион евро маош билан у миланликларнинг энг кўп маош олувчи футболчиларидан бири ҳисобланади.

Агарда Златан фаолиятини якунласа, катта эҳтимол билан клубда иш фаолиятини бошлайди. У Стефано Пиоли бошчилигидаги мураббийлар штабига киритилиши мумкин. Агар ҳужумчи яна бир мавсум жамоада қолишга қарор қилса, миланликлар унга маоши камайтирилган шартнома таклиф қилади ва ёзда марказий ҳужумчи билан шартнома имзолашга ҳаракат қилади.

Жорий мавсумда Ибраҳимович "Милан" сафида барча турнирларда 23 та ўйинда майдонга тушиб, 8 та гол урди ва 2 та голли узатмани амалга оширди.