Ҳорҳе Вальдес: "Ўзбекистонга қарши баҳсда ғалабадан бошқаси қониқтирмайди”
17 окт 2013 23:43
Янгиликлар

Ҳорҳе Вальдес: "Ўзбекистонга қарши баҳсда ғалабадан бошқаси қониқтирмайди”

Панама терма жамоаси бош мураббийи Ҳорҳе Вальдес Ўзбекистонга қарши ўйиндан олдин журналистларнинг саволларига жавоб берди.

Бу ҳақда twitter.com/UzbekistanU17 хабар берди.

Ҳорҳе Вальдес: “Уругвай ва Бразилиянинг ғалабасидан жабр кўрган жамоага қийин, албатта. Футболчиларнинг ўзига келиши осон бўлмайди.

Мусобақани яхши бошлаш муҳим. Кучли жамоалар очилиш ўйинларида ҳаяжон туфайли ютқазиб қўйган ҳолатлар ҳам бўлган.

Биз Ўзбекистон терма жамоасини яхшилаб ўргандик. Таҳлилчи гуруҳдан маълумотлар олган ҳолда тайёрландик. Кўп нарса ўргандик.

Жаҳон чемпионатига чиққанлигимиздан хурсандмиз. Аммо, бу ерга фақат иштирок этиш учунмас, натижа учун келганмиз. Гуруҳимизда кучли жамоалар тўпланган. Уларга бўлган ҳурматни сақлаган ҳолда айтишим мумкинки, биз ғалаба қозониш учун келдик”.

Эслатиб ўтамиз, Ўзбекистон ва Панама ўртасидаги ўйин 18 октябрь куни Тошкент вақти билан соат 21:00 да "Фужайра" стадионида бўлиб ўтади. Учрашув Спорт телеканали орқали жонли равишда эфирга узатилади.

Ҳавола :

Манба : championat.asia

Янгиликларни Телеграмда ўқинг!

Рейтинг: