Ҳайдаров гол урди, лекин “Ал-Шабаб” финалга чиқа олмади

Осиё Чемпионлар лигаси “плей-офф” босқичидаги рақибимиз – “Ал-Шабаб” клуби Дубай дербисида “Ал-Аҳли”га имкониятни бой бериб қўйди – 2:3.

46-дақиқасида “Ал-Шабаб” вакили бразилиялик Жонинг голига “Ал-Аҳли”нинг сенегаллик легионери Муса Сов 71, 79 ва 83-дақиқаларда ўз “хет-трик”и билан жавоб қайтарди. 86-дақиқада Азизбек Ҳайдаров пенальтидан гол уриб, ҳисобни қисқартиришга эришди. Орадан кўп ўтмай, “Ал-Шабаб” яна битта пенальти тепиш ҳуқуқини қўлга киритди. Бироқ бу сафар нуқтага яқинлашган Энрике Луваннор зарбада адашди.

Шу тариқа, битта учрашувдан иборат ярим финал баҳсида “Ал-Аҳли” футболчилари 3:2 ҳисобида ғалаба қозонишиб, финал йўлланмасини қўлга киритишди. Энди ҳал қилувчи баҳсда Космин Олариу шогирдлари “Ал-Ваҳда” клуби билан куч синашишади.

19.01.2016
Лига кубоги, ярим финал
“Ал-ШАБАБ” – “Ал-АҲЛИ” 2:3 (0:0)
Голлар: Жо 46 (1:0), Муса Сов 71 (1:1), Муса Сов 79 (1:2), Муса Сов 83 (1:3), Азизбек Ҳайдаров 86 пенальти (2:3)
Четлатиш: Муҳаммад Қосим 74
Ноаниқ пенальти: Энрике Луваннор 88
“Ал-Шабаб” таркиби: 18.Абдулла Салим, 3.Муҳаммад Али, 4.Муҳаммад Марзуқ, 7.Азизбек Ҳайдаров, 9.Жо, 10.Карлес Вильянуэва, 11.Энрике Луваннор, 15.Довуд Али (29.Абдулраҳим Хусайн 76), 22.Мани Али, 25.Муҳамад Қосим, 26.Ҳассан Иброҳим (77.Рашид Ҳассан 88)