Ҳасанбой Эргашев: "Асосий эътиборни Йовановични назорат қилишга қаратдик"

- Бугун мезбонлар таркибида уларнинг легионер футболчиси - Неманья Йованович жуда фаол ҳаракат қилди. Бизнинг асосий этиборимиз ҳам бош мураббийимизнинг кўрсатмаларига асосан айнан мана шу футболчини назорат қилишга қаратилди. Бугунги ўйинда нафақат ҳимоя чизиғимиздаги футболчилар, балки барча жамоадошларим билан биргаликда Йовановичга деярли ўйин бермадик.  Бир бора ўша пенальти бўлган ҳолатни эътиборга олмаса, Йованович ҳеч нима қила олмади.

Ўйлайманки, Ихтиёр ака Каримовнинг топшириғларини аниқ даражада бажарганимиз учун бугун ғалабага эришдик, - дейди Эргашев.