Ҳаким Фузайлов: "Хоразм"нинг суъний майдонда ўйнашини билиб тайёргарлик кўрган эдик"
05 сен 2022 13:48
Янгиликлар

Ҳаким Фузайлов: "Хоразм"нинг суъний майдонда ўйнашини билиб тайёргарлик кўрган эдик"

Про лиганинг қолдирилган 15-тур учрашувида "Бухоро" "Хоразм"ни мағлуб этди (2:1). Мазкур баҳсдан сўнг жамоа бош мураббийи Ҳаким Фузайлов фикрлари билан ўртоқлашди.

"Мавсумнинг охири кўриниб бормоқда, яна бир учрашувдан сўнг, плей-офф босқичида жамоалар ажралади. Икки жамоага ҳам очко керак эканлиги боис босим катта бўлди. Хоразмга ғалаба учун келган эдик. Қийин ўйин бўлиши кутилганди. Йигитларга шундай ҳолатда ҳам борларини бергани учун миннатдорчилик билдираман."Хоразм" суъний майдонда тўп тепади. Бу маълум бир қийинчиликларни юзага келтиради. Буни билган ҳолда тайёргарлик кўргандик. Олдинга интилишда давом этамиз.

Темур Исмаилов иккинчи даврада келиб қўшилди. У формага кириб олса янада яхшироқ ўйин кўрсатади. Бироз вақт керак. Суперлига йўлланмаси учун курашяпмиз. Агарда элитага йўлланма олсак, албатта таркиб кучайтирилади. Чунки Суперлига ва Про лига ўртасида фарқ бор",- дейди Ҳаким Фузайлов.

Ҳавола :

Манба : championat.asia

Янгиликларни Телеграмда ўқинг!

Рейтинг: