Гвардиола: “Саненинг голи муҳим эди”

“Биринчи бўлимда бизда муаммо кўплаб бўлди. Тўпни кўпроқ ҳаракат қилдириш керак, аммо биз бу ишни қилмадик. Тўп назорати бизда бўлсада, футболчиларим уни тезроқ шерикларига узатишлари лозим. Биз кўплаб тўп узатишларни амалга оширдик, бироқ бу иш жуда секин бажарилди. Шунга қарамай биринчи бўлимнинг сўнги 10-15 дақиқасида ўйлаган режаларимиз амалга оша бошлади. Иккинчи тайм эса кутиланидан ҳам яхши ўтди.

Саненинг голи жуда муҳим эди. Унинг гол урган вазиятдаги ҳаракатлари шунчаки ажойиб чиқди. У ҳимоячилар ортида яхши “очилишни” билади, ҳар доим тўғри тезликни танлайди ва имкони топиб зарба беради.

Биз ўтган йили билан солиштирганда ушбу турда камроқ очко тўпладик. Аммо, ўйлашимча, бу йил кўпроқ гол урдик ва камроқ ўтказдик. Шу боис ҳозирги ҳолатимиз яхшироқ кўринмоқда. Аммо ҳали энди сентябрь ойи” дея таъкидлаб ўтди Гвардиола.