Гвардиола - қўрқоқ. Шу боисдан унинг жамоаси мағлуб бўлди

Окслейд-Чемберленнинг даҳшатли бақиришидан кейин "Сити" тамом бўлди. Алекснинг хатти-ҳаракатларини олдиндан айтиб бўлмасди: тўпни қабул қилиб олди, бир неча қадам ташлади ва бурчакни аниқ нишонга олди - тамом.

Бу Гвардиолани шок ҳолатига тушириб қўйган бўлса ажаб эмас. У жимгина турарди, юзига қараб ҳеч нимани тушуниб бўлмасди.

Қанақа шайтон? Нега шундай бўлди? Қандай қилиб?

Гвардиола етти ярим ой мобайнида гегемон жамоа тузганини исботлади, бироқ у ўзи қўйган қопқонга тушадиган кун етиб келди. Пеп комбинацион футболни мукаммаллаштирган инсон, кеча шунинг қурбони бўлди. Узоқдан берилган зарба эса ўйинга чиройли эффект берди.

Гвардиола: "Ливерпуль"ни 6:0 ҳисобида мағлуб этишни истаймиз"

Ўйиндан олдин Пеп "Сити" ҳар доимги футболини намойиш этишига сўз берганди, бироқ якунда Клопп ўз рақиб жамоасига ҳеч қандай имконият қолдирмади. Энди Гвардиола Ван Галга ўхшаб: "Биз фалсафамизни ўзгартирмаймиз", - деб баҳона қилса жуда уятли бўлади.

"Сити"нинг бундай ўйинини кўриб ҳайрон қолдик - Гвардиола қўрқди, жуда ҳам, барчанинг олдида. Рақиблар ҳам ўз футболчилари каби оддий футболчи. Унинг ўзи жамоасини қандай ўзгартиришни хоҳлаган бўлса, ўшандек қилишни истамади. У ўзини футбол мураббийси эмас, психолог каби тутди. Албатта, шундай чиройли фаолият билан қайсидир куни товон тўлаш ҳам керак. Тактика АПЛда ўзини оқлади, бироқ бу Прмеьер-лига эмас, Европа чемпионлар лигаси, "Ливерпуль" "Сити"нинг услубини янчиб ташламоқда. Демак, Клопп - Гвардиола учун энг қўрқинчли мураббий. Ахир ҳали ҳеч ким уни 6 марта мағлуб этмаган-да.

Клопп – Гвардиолани 6 марта мағлуб этган ягона мураббий

Гвардиоланинг барча ҳужумкор футболчилари тўпни йўқотаверишди, тўп учун курашларда кўп бора мағлуб бўлишди, ҳужумга ўтишда муаммоларга дуч келишди. Ҳаттоки дарвоза томон аниқ зарба бера олишмади. Меҳмонлар ўйиннинг бошиданоқ жуда ёмон услубни танлашганини ўйин якунига қадар исботлаб беришди.

Бугун ЕЧЛда Англия дербиси, Клопп Гвардиолага қарши (Превью)

Бир неча кун ёки ҳафтадан кейин Пеп ўз фаолиятида АПЛдаги илк совринини қўлга киритади. Бироқ унинг учун мавсум давом этади. "Ливерпуль" билан учрашувнинг жавоб баҳси бор. "Сити" ўтган йил сентябрь ойидаги натижани такрорлашга интилади. Шак-шубҳасиз улар шуни исташади. Бироқ Пеп жамоаси "Ливерпуль"га қарши баҳсгача "Манчестер Юнайтед" тўсиғидан ўтиши керак.

Миржалол Норматов таржимаси