Гвардиола: "Нега биз 4та совринни ютишимиз керак?"
03 апр 2019 16:53
Янгиликлар

Гвардиола: "Нега биз 4та совринни ютишимиз керак?"

"Манчестер Сити" бош мураббийи Хосеп Гвардиола жамоанинг жорий мавсумда 4та соврин ютиш имкониятларига баҳо берди.

"Агар мухлислар 4та совринни истаётган бўлса, бу жуда яхши. Бироқ бу ҳақида гапирмайман, чунки мураббийлик тажрибам шундай деяпти: Агар чалғисанг, муаммолар бошланади.

Бизгача афсонавий жамоалар тўртта совринни ютмаган бўлса, нега биз буни уддалай олишимиз ҳақида ўйлашимиз керак?

"Ливерпуль" 1980, Моуриньюнинг "Челси"си, "Венгер"нинг "Арсенали" каби афсонавий жамоалар бўлган. Ҳеч ким бу натижага эришмаган.

Хатто Алекс Фергюсоннинг "Манчестер Юнайтеди" 4та соврин ютмаган, требл қайд этган, хатто требл ҳам жуда қийин вазифа.

Бизни "Кардифф"га қарши баҳс кутиб турибди. Бирин-кетин ўйинларда ғолиб чиқишимиз керак. Апрелда яна шу ҳақида сўрайсиз, мен эса "ҳа" ёки "йўқ" деб жавоб беришим керак, бироқ бунгача ҳали анча бор" - дейди Гвардиола.

"Манчестер Сити" лига Кубогида ғолиб бўлди, Англия Кубоги ярим финалида эса "Брайтон" билан ўйнайди, Чемпионлар лигаси чорак финалида "Тоттенхэм" билан куч синашади.

"Шаҳарликлар" АПЛ турнир жадвалида етакчилик қилаётган "Ливерпуль"дан 2 очко орқада, бироқ уларнинг захирасида битта ўйин мавжуд.

Ҳавола :

Манба : The Guardian

Янгиликларни Телеграмда ўқинг!

Рейтинг: +21