Гвардиола коронавирус юқтириб олди
06 янв 2022 18:38
Янгиликлар

Гвардиола коронавирус юқтириб олди

Испаниялик мутахассис Англия кубоги учинчи босқичида жамоасига ёрдам беролмайди.

"Манчестер Сити" бош мураббийи Хосеп Гвардиоланинг коронавирусга топширган тести мусбат чиқди. Бу ҳақда "шаҳарликлар" матбуот хизмати хабар қилди.

Гвардиола билан биргаликда унинг ёрдамчиси Хуанмо Лильода ҳам COVID-19 аниқланган.

Ҳар икки мутахассис "Манчестер Сити"нинг "Англия кубоги учинчи босқичи доирасидаги "Суиндон"га қарши ўйинини ўтказиб юборади. Гвардиоланинг ўрнига жамоани вақтинча Родольфо Боррель бошқариб туради. Баҳс 7 январь куни бўлиб ўтади.

Маълумот ўрнида, айни пайтда клубнинг 14 нафар ходими ва биринчи жамоанинг 7 футболчиси карантинда бўлиб турибди.

Ҳавола :

Манба : mancity.com

Янгиликларни Телеграмда ўқинг!

Рейтинг: +1