Гризманн МЮга ўтиши мумкин
19 сен 2022 10:50
Янгиликлар

Гризманн МЮга ўтиши мумкин

Мадриднинг "Атлетико" клуби ва Франция терма жамоаси ҳужумчиси Антуан Гризманн қишки трансфер ойнасида "Манчестер Юнайтед"га ўтиш эҳтимоли мавжуд, дея хабар берди "The Athletic".

Манбага кўра, Мадрид клуби ҳужумчини сотиб олиш борасида "Барселона" билан келиша олмаяпти. Каталонияликлар форвард учун "Атлетико"дан 40 миллион евро талаб қилишмоқда, бироқ "матрасчилар" бу суммани тўлашга тайёр эмас. Агар клублар келишувга эришишмаса, франциялик футболчи "Манчестер Юнайтед"га сотиб юборилиши мумкин.

31 ёшли Гризманн жорий мавсум "Атлетико" таркибида 7 та ўйинда майдонга тушди ва 3 та гол урди. Унинг "Барселона" билан келишуви 2024 йилнинг ёзига қадар мўлжалланган.

Ҳавола :

Манба : The Athletic

Янгиликларни Телеграмда ўқинг!

Рейтинг: