Григорий Колосовский: "Навбатдаги 2 очкони йўқотдик"

Ўйин ҳақида

- Бугун навбатдаги 2 очкони йўқотдик. Гол уриш учун кўплаб вазиятларга эга бўлдик бироқ тўп дарвозага кирмади. Кучли жамоалар билан ўйнадик. Умумий айтганда, бугунги натижа ёмон эмас. Аммо биз олдимиздаги вазифани бажаришимиз учун ғалабалар керак. Ҳар бир ўйинга финалдек қарашимиз лозим. 

- Жамоага келганингиздан буён дурангларга эришдингиз. Қайд этилаётган натижалар сизни қониқтираяптими? 

- 3 та ўйинда 3 очко жамғардик. Бу албатта мени қониқтирмайди. Лекин ҳозир Суперлигада ўйинлар осон ўтмаяпти. Ҳар бир жамоа мақсад учун охиригача курашаяпти. "Локомотив","Сўғдиёна" ва "Нефтчи" жамоалари билан ўйнадик, қўлга киритганимиз 3 очко холос. 

- Нега дарвозага кам зарба берилаяпти? 

- Кўпроқ зарба бериш учун машғулотларда ишлаяпмиз. Ҳар бир йўлланган зарба гол бўлишини барча жамоалар истайди, бироқ футболда бу имконсиз. 

- Навбатдаги рақиб "Динамо" ҳақида фикрингиз? 

- Қизиқарли жамоа. Ўйин услуби ҳам қизиқарли. Биз ҳозир айтиб ўтганимдек, фақат ғалаба учун майдонга чиқамиз. Бошқача йўлимиз йўқ.