Голландия ўз тарихида илк бор Германияни йирик ҳисобда таслим этди
14 окт 2018 07:27
Янгиликлар
![](https://championat.asia/upload/storage/458086_original.jpg)
![](/upload/storage/458086_220.jpg)
Голландия ўз тарихида илк бор Германияни йирик ҳисобда таслим этди
Ушбу муваффақият Нидерлания терма жамоаси тарихидаги Германия устидан қозонилган энг йирик ғалаба сифатида қайд этилди. Виржил ван Дейк, Мемфис Депай ва Жоржиньо Вейналдумнинг голлари тарихий натижа қайд этилишига замин яратди.
Бундан ташқари, Голландия терма жамоаси 2002 йилдан буён илк бор Германияни мағлубиятга учрата олди. Ўн олти йил аввал Гельзенкирхенда бўлиб ўтган учрашувда олмонлар 1:3 ҳисобида имкониятни бой беришган эди.
Маълумот учун, Голландия ва Германия терма жамоалари ўзаро 40та ўйин ўтказишган. Жамоалар ўртасидаги илк тарихий учрашув 1910 йилда бўлиб ўтган. Голландияда 10та, Германияда эса 15та ғалаба бор. Яна 15та баҳсда ғолиб аниқланмаган. Энг йирик ҳисоб 1959 йилда қайд этилган бўлиб, ўшанда Германия ўртоқлик учрашувида 7:0 ҳисобида зафар қучган.
Ўхшаш янгиликлар
![AMP Logo](https://championat.asia/image/logo-amp.png)
Фикрлар