Гаттузо “Женоа”дан учралган мағлубиятга изоҳ берди

“Ўзим футбол ўйнаганман ва ҳамма хато қилиши мумкинлигини биламан. Аммо вазиятни ўнглаш учун вақтимиз бўлмаяпти. Чунки ҳар уч кунда майдонга тушишимизга тўғри келмоқда.  Дарвозамиз олдида иккита голли вазиятни яратилишига ўзимиз сабабчи бўлдик. Ёмон томони битта хатони икки марта такрорладик.

Буни баратараф этиш устида ишлашимизга тўғри келади. Бу биз машғулот олиб бормаётганимиз, балки ўйиндан ўйинга тикланиш жараёнларини ўтказишимиз билан боғлик, деб ўйлайман. Аммо фақат “Наполи” бундай ҳолатда эмас. Барча жамоалар ҳам биз каби қисқа муддат ичида ўйинлар ўтказишмоқда.

Албатта, рақамлар алдамайди: биз билан боғлиқ бундай ҳолат биринчи марта эмас. Гол уриш учун кўплаб вазиятларни яратаяпмиз, аммо улардан самарали фойдалана олмаяпмиз. Бунинг устида жиддий бош қотиришимизга тўғри келади”, дея Гаттузонинг сўзларидан иқтибос келтирмоқда Football Italia.