Футзал. Осиё кубоги. Ўзбекистоннинг чорак финалдаги рақиби ким бўлади? (А гуруҳидаги вазият)

Гуруҳдаги дастлабки икки ўйинда ғалаба қозонган Ўзбекистон футзал терма жамоаси гуруҳда биринчи ўринни кафолатлаб, муддатидан олдин плей-офф масаласини ҳал қилди. Ўзбекистон футзал терма жамоасининг чорак финалдаги рақиби A гуруҳида иккинчи ўринни олган терма жамоа бўлади. 

А гуруҳида эса интрига учинчи тургача сақланиб турибди. Ҳозиргина Таиланд ва Қувайт терма жамоалари ўзаро дуранг қайд этишди. А гуруҳида иккинчи турдан кейин 4 очко билан Қувайт терма жамоаси биринчи ўринни банд этган. Худди шунча очко тўплаган Таиланд терма жамоаси эса тўплар нисбатига кўра иккинчи ўринда. Уч очкога тўплаган Ироқ термаси ҳам охирги турда плей-офф йўлланмаси учун курашади.

Шундай қилиб, Ўзбекистоннинг рақиби учинчи турдан сўнг маълум бўлади. А гуруҳидаги учинчи тур ўйинлари:

А гуруҳи

1 октябрь, 3-тур

Таиланд - Уммон

Қувайт - Ироқ