Футзал. Дилшод Раҳматов: "Стандарт вазиятлар устида кўпроқ ишлаяпмиз"

Ўйиндан сўнг учрашувда хэт-трик қайд этган Дилшод Раҳматовнинг фикрлари билан қизиқдик.

"Жамоамиз Мендез қўл остида янги услубга ўтди. "Когон" ўйиннинг бошида ўз хатоси эвазига тўп ўтказиб юборди ва руҳан бироз чўкди, биз эса бундан фойдаланиб қолдик. Мен "Когон"да ўйнаганман, ҳозир клуб янги ва ёш ўйинчиларни таркибга жалб қилибди.

Бош мураббийимизнинг кўрсатмаларини имкон қадар тўғри бажаришга ҳаракат қилдик, шунинг самараси ўлароқ учта гол урдим. Бунда жамоадошларимнинг ёрдами беқиёс бўлди, уларнинг тўп узатишларисиз учта тўп кирита олмаган бўлардим.

Учрашувларда имкон қадар стандарт вазиятлардан унумли фойдаланишга ҳаракат қилмоқдамиз", - дея фикрларини билдирди Дилшод Раҳматов.