UZ

Сўнгги янгиликлар

14:49Сергей Чигодаев: "CAFA турнирида барча футболчиларга имконият беришга ҳаракат қиламиз"  1 14:29Расман: "Реал" Анчелотти кетаётганини эълон қилди  11 14:17Ўзбекистонлик ҳакам аёллар футболи бўйича ОЧЛ финалида ишлайди  0 13:59Саудия Арабистони клуби Осимхен билан музокаралар олиб бормоқда  0 13:32"Интер" МЮ ҳужумчисини харид қилмоқчи  2 13:03"Манчестер Юнайтед"нинг ёзги трансфер бюджети қисқартирилди  7 12:36Рафинья: "Умид қиламанки, мухлисларни хурсанд қилишда давом этаман"  9 12:08Артета "Арсенал"нинг амбициялари ҳақида гапирди  1 11:40Руд ван Нистелрой "Лестер"ни тарк этади  0 11:14CAFA U17 Championship 2025 мусобақасига қуръа ташланди. Ўзбекистон Эрон билан бир гуруҳда  7 10:56Эрик тен Хаг катта футболга қайтишга яқин  3 10:30Раулга Европанинг учта жамоасидан таклиф бор  4 10:02“Арсенал“ ҳужумчисига Саудия жамоаси таклиф билан чиқди  4 09:51Денис Коростиченко: "Ўзбекистон U-16 терма жамоасига ёрдамим керак бўлган барча жабҳада кўмаклашишга тайёрман. "Локомотив" - "Олимпик" ўйинида ...га мухлислик қилдим"  1 09:34Финалдаги мағлубиятдан сўнг МЮ тўрт нафар футболчи билан хайрлашишга тайёр  21

Футзал. "B" гуруҳи мураббийлари иштирокида матбуот анжумани Янгиликлар

Футзал. "B" гуруҳи мураббийлари иштирокида матбуот анжумани

Теглар :  Футзал
Бугун футзал бўйича Осиё чемпионатига бағишланган турнир-олди матбуот анжумани бўлиб ўтди.
Унда Эрон бош мураббийи Муҳаммад Назем, Иордания устози Салаҳ Абу Жафер, Ироқ устози Ҳаитҳам Аббас ва Хитой бош мураббийи Шан Зхипинг қатнашишди.

Муҳаммад Назем: “Ассалому алайкум. Ўзбекистонга мана шу мусобақани ўтказишда омад тиламоқчиман. Футзал Осиё қитъасида тезкорлик билан ривожланиб бормоқда. Эрон терма жамоаси мусобақада шоу уюштириб беришдан умидвормиз.
Биз Осиё чемпионатида босқичма босқич амалга оширишни истаймиз. Биринчи навбатда гуруҳдан чиқиш ҳақида ўйлаяпмиз. Бизда мусобақада иштирок этиш бўйича яхши тажриба мавжуд. Эрон 10 марта чемпион бўлган. Ўзбекистонга 11-бор қитъа чемпиони бўлиш учун келдик.

Салаҳ Абу Жафер: “Аввало ташкилий қўмитага миннатдорчилик билдираман. Иордания илк бор Осиё чемпионати финал босқичига чиқди. Дебютимизни Ўзбекистондаги мусобақада ўтказамиз. Бу ҳам Иордания терма жамоаси учун ҳам, Иордания футбол Федерацияси учун ҳам катта ютуқ ҳисобланади. Биз Осиё чемпионатига яхши тайёргарлик кўрдик. Ўқув машғулот йиғинлари ва ўртоқлик учрашувларини ўтказдик. Мусобақада гуруҳ босқичидан чиқишга уриниб кўрамиз. Буни уддалаймиз деб ўйлайман.

Ҳаитҳам Аббас: “Энг аввало ОФК ва ЎФФга ташкилий ишларда ёрдам бергани учун, меҳмондўстлик учун катта раҳмат айтаман. Бу мусобақа яхши ҳолатда ўтишига хизмат қилиши шубҳасиз. Асосий мақсадимиз аввало гуруҳдан чиқиш. Бешта жамоа Жаҳон чемпионатига боришини биламиз. Ҳар бир жамоага ҳурмат билан қараймиз. Иордания, Хитой ва Эронни рақиб сифатида ҳурмат қиламиз. Аммо ўз ўйинимизни кўрсатишга уринамиз. Гуруҳдошларимга миннатдорчилик билдираман ва барчага раҳмат айтаман”.

Шан Зхипинг: “Бу мусобақада иштирок этишимиздан хурсандман. Бизга барча шароитларни яратиб берган ОФК ва ЎФФга алоҳида ташаккурларимни билдириб қоламан. Хитой терма жамоаси Осиё чемпионатига 18 январдан бошлаб киришди ва 20 кунча Тошкентдаги қитъа чемпионати финал босқичига тайёргарлик кўрдик. Мусобақада иштирок этишдан бош мақсад энг аввало гуруҳдан чиқиш ва Жаҳон чемпионати йўлланмасини қўлга киритиш”.



- Эртанги ўйинлардан олдин қандай фикрларингиз бор?

Хитой устози: - Учрашувда ғалаба қозонишдан умидвормиз.

Ироқ устози: - Эртага Хитойга қарши ўйнаймиз. Бу жуда кучли жамоа. Тезкор футзалчиларга эга. Бор имкониятимизни ишга солиб ғалаба қозонишга ҳаракат қиламиз.

Иордания устози: - Иордания Осиёда ўз рейтингига эга бўлмаган жамоа ҳисобланади, Эрон эса Осиёда биринчи рақамли жамоа ҳисобланади. Футзалнинг гўзаллиги шундаки эртага энг кучсиз жамоалардан бири энг кучли жамоага қарши яхши ўйин кўрсатишга уринади.

Эрон устози: - Ҳар бир мусобақада илк ўйин доим қийин кечади. Биз буни яхши тушунамиз. Иорданияга қарши учрашувга бор кучимизни йиғиб тушамиз. Ундан кейин навбатдаги баҳслар ҳақида ўйлаймиз.
Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика