Франк Риберининг собиқ агенти ундан 3,5 миллион евро талаб қилмоқда
09 дек 2017 21:18
Янгиликлар

Франк Риберининг собиқ агенти ундан 3,5 миллион евро талаб қилмоқда

12 декабрь куни Мюнхенда агент Бруно Хайдершайднинг собиқ мижози Франк Риберига қарши суд йиғилиши бўлиб ўтади.

Бу ҳақда "AFP" хабар берди. "Бавария" футболчиси суд йиғилишига ташриф буюриши шарт.

Хайдершайд Риберидан шартномани бузгани учун 3,5 миллион евро талаб қилмоқда. Агентнинг тасдиқлашича, у 2006 йил Рибери билан унинг кейинги трансфер пулидан 10 фоизини олиши борасида келишиб олган. Лекин, француз "Марсель"дан "Бавария"га ўтган пайтда унинг агенти бошқа одам эди ва Франк Хайдершайдга бир тийин ҳам бермаган.