UZ

Сўнгги янгиликлар

00:42CAFA Nations Cup-2025. Энг яхшилар аниқланди ва ғолибга соврин топширилди  6 00:30Муҳаммадрасул Абдумажидов Бельгия клубига ўтмайди  1 00:14Славен Билич Ўзбекистон терма жамоаси бош мураббийига айланиши мумкин  23 00:05Тимур Кападзе: "Эрон терма жамоаси қачон рози бўлган ўзи?"  85 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1013 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  10 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10 17:02CAFA Nations Cup финалига мезбонлик қилаётган "Олимпия" стадионидан ГАЛЕРЕЯ  9

Флорентино Перес ҳаммасини сотиб олган-миш... Янгиликлар

Флорентино Перес ҳаммасини сотиб олган-миш...

Тунда ЕЧЛ 1/8 финали доирасида Италиянинг "Аталанта" ва Испаниянинг "Реал Мадрид" жамоалари тўқнаш келишди.

Тунда маълум сабабларга кўра, ухлаб қолганлар ҳам эрта тонгдан ўйинлар натижаси ва қуйида сўз юритмоқчи бўлганимиз, баҳс-мунозараларга сабаб бўлган "қизил карточка" ҳақида билиб улгурган бўлишса ажаб эмас. 

Учрашувдан аввал испанлар Зизу шогирдларига вазият нақадар оғир бўлмасин, сафдагилар билан ҳам беллашувда ғалаба қозонмоқчилигини таъкидлагани ҳақида, италияликлар эса Гасперини ва шогирдларига рақибнинг ким бўлиши аҳамиятсиз эканлиги, қўшимчасига, жароҳатлар сабаб кучсизланиб қолган "Реал"ни ҳозир енгмаса, кейин бундай имконият бўлмаслиги ҳақида бонг уришарди. 

Ўйиннинг илк дақиқаларида чиндан ҳам бергамоликлар ЕЧЛ бош соврини бир неча маротаба ютиб қўйган футболчилар ўзларига қарши ҳаракат қилаётганини онглди равишда унутган ҳамда таслим этилиши зарур бўлган оддий бир рақиб сифатида ҳаракат қила бошлашди. Марказда Де Рон ва Сапата иштирокидаги ҳаракатлар, гоҳ у қанотдан, гоҳ бу қанотдан узатмалар "Реал"нингда ҳимоячиларини шошириб қўяётгандек эди. Лекин шу куни тажрибага суянган Зинедин Зидан шогирдлари, бунга соф марказий ҳужумчи Мариано Диас эмас Иско асосий таркибда тушгани ҳам бир ишорадек, саросимага тушиб қолишмади. Ва дақиқалар ўтгани сари ўйиндаги тарози палласини тенглаштириб олишди. 

17-дақиқада эса ўша эпизод юз берди...

Баҳсли ҳолат, қоида бузилган, лекин жарима майдони ташқарисида, демак, пенальти йўқ. Янги қоидаларга кўра, қоида бузилиши ўта кескин ва атайин амалга оширилган ҳаракат бўлмаса, битта жазони қўллаш тавсия қилинган. Менди ва Фройлер вазиятига келсак... Катта эҳтимол билан ҳакам контактни тўлиқ кўра олди. Тобиас Штилер узоқ ўйлаб ўтирмай, қизил кўрсатди ва "VAR"ни кўришни ҳам истамади. Қоида бузилиши сўзсиз бор эди, қоидалардан келиб чиқсак, ҳакам ўша қизил карточкани кўрсатишга асосларга ҳам эга эди, аммо...  

Шахсий фикрим, Ремо Фройлер аслида тўпга интилгани (жуда кеч қолган бўлсада), ўйиннинг илк дақиқалари эканлигини инобатга олиб, ўша карточкани бошқа рангдагисини кўрсатса, менимча ҳеч ким ўша вазиятни ҳозиргидек "чайнамасди".            

Лекин қайсидир ҳакам айтгани ҳам ёдимда: "Қоида бузган футболчи ҳаракати учун карточка кўрсатилади, ўйиннинг нечанчи дақиқаси эканлиги эса бунда буткул аҳамиятсиз". Бу бир мутахассис фикри, лекин шу қизил ўйинга жуда катта таъсир ўтказди ва "Аталанта" бир киши кам бўлиб қолгани "Реал" учун ҳам муаммо келтириб чиқарди. 


Нега дейсизми? 

Биринчидан, қизил ўйиннинг умумий картинасига таъсир кўрсатди. 

Иккинчидан, қизил сабаб "Аталанта" ўз ўйинини кўрсата олмади. Шахсан мен бергамоликлар кечагидек ҳимоявий ўйнаганини, бутун жамоа бўлиб ҳимояланганини кўрмаганман.  

Учинчидан, қизил сабаб "Реал" биттагина гол урди. Ҳа, тўғри ўқидингиз - биттагина гол урди. Тасаввур қилиб кўрайлик, агар камчиликда қолиб кетмаганида "Аталанта" кечагидан кўра кўпроқ ҳужум қиларди ва олдинга ўтарди. Бу эса "Реал" футболчилари учун бўш зоналарни вужудга келтирарди. Гасперини шогирдлари ҳужумда самарали ҳаракат қилсаларда, аксарият ўйинларда ўз дарвозасидан ҳам гол(лар) ўтказиб юборади. 


Фло Перес германиялик ҳакамга ўйиндан аввал "совға" берганидан хабарим йўқ ва шу гапни айтаётганларнинг ҳам бунга исботи йўқ. Лекин нима бўлганда ҳам қизил карточка кўрсатган Штилернинг қарори ҳар икки жамоа ҳамда нейтрал мухлислар зарарига ишлади.    

Орадаги фарқ бор йўғи 1 та голни ташкил этиши, жавоб ўйинидан кўпроқ нарса кутиш учун замин яратади. Гасперини ва Зидан айтганидек ҳали ҳеч нима тугамади, барчаси жавоб ўйинида ҳал бўлади.  

Муаллиф : Omonjon To`xtamirzayev
Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика