ФИФА рейтинги: Ўзбекистон аёллар терма жамоаси рекорд даражада юқорилади

Аҳамиятлиси, Ўзбекистон аёллар терма жамоаси аввалги ой рейтингига кўра дунё терма жамоалари орасида рекорд даражада - 89 поғона юқорилади. Бунгача дунё рейтингида 133-ўринни эгаллаб турган Ўзбекистон аёллар терма жамоаси эндиликда жаҳон рейтингида 44-поғонада бормоқда.

Қайд этиш жоиз, Ўзбекистон аёллар терма жамоаси аввалги ойдаги натижаларга кўра ФИФА рейтингидаги барча терма жамоалар орасида энг юқорига кўтарилишга эришган жамоа бўлди.

Эслатиб ўтамиз, Ўзбекистон аёллар терма жамоаси март ойида Олимпиада-2016 саралаш 1-босқич баҳсларида иштирок этди. Иордания пойтахти Амман шаҳрида бўлиб ўтган саралаш баҳсларида Ўзбекистон аёллар терма жамоаси Гонконг ҳамда Фаластин аёллар терма жамоасини мағлуб этган ва сўнгги турда мезбон - Иордания терма жамоасига мағлуб бўлган эди.

Аёллар ўртасида терма жамоалар рейтингини Германия терма жамоаси бошқариб турибди. Кучли учликдан эса АҚШ ҳамда Франция аёллар терма жамоалари ўрин эгаллашган. Жаҳон рейтингининг тўлиқ кўриниши билан ФИФА расмий сайтида танишиш мумкин.