Фердинанд: "Де Хеага бошида ҳеч ким ишонмаган эди"

Унинг сўзларига кўра, Де Хеа "Олд Траффорд"га келган пайтда тажрибали ўйинчилар унга у қадар ишонишмаган.

"Давид биринчи бор жамоага келганида, бизда унга нисбатан жиддий иккиланиш бор эди. "Манчестер Юнайтед"га қандайдир ёш бола келган эди, биз эса ҳар йили соврин ютишимиз керак. Қандай қилиб биз бу ўзига унчалик ишонмаган тажрибасиз болакай билан буни уддалашимиз мумкин?!

Лекин, ҳозир у қандай даражада эканлигига қаранг. Мана сизга қаттиқ мехнат қилган инсон ўзига истаган нарсага эриша олишига мисол", - деди Фердинанд.

Эслатиб ўтамиз, Давид Де Хеа айни пайтда АПЛда энг кўп қуруқ ўйин ўтказди ва Премьер-лига "Олтин қўлқоп"и учун пойгада етакчилик қилмоқда.