Фарғонада журналистлар ўртасида халқаро футбол мусобақаси ташкил этилади

Хусусан, юртимизда турли касб эгалари ўртасида футбол мусобақаларини ўтказиш анъанага айланди. ЎФА яна бир халқаро мусобақа турнирни ташкил этмоқда.

19-20 июнь кунлари Фарғонада 27 июнь “Матбуот ва Оммавий ахборот воситалари ходимлари куни”га бағишланган мини – футбол бўйича халқаро “Дўстлик Кубоги” турнири бўлиб ўтиши режалаштирилмоқда.

Ўзбекистон Футбол ассоциацияси, Фарғона вилоят ҳокимлиги, Ўзбекистон Журналистлари ижодий уюшмаси Фарғона вилоят бўлими, Ахборот ва оммавий коммуникациялар агентлиги Фарғона вилоят бошқармаси ва вилоят Футбол ассоциацияси ҳамкорлигида ўтказилаётган мусобақада (Ўзбекистон, (2 та), Тожикистон ва Қирғизистон) оммавий ахборот воситалари ва матбуот ходимларидан ташкил топган терма жамоалар иштирок этади.

Қўшни Республикалар (Ўзбекистон, Тожикистон ва Қирғизистон) ўртасида ўзаро дўстликни мустаҳкамлаш, ҳамкорлик алоқаларни мустаҳкамлаш ва спортга бўлган қизиқишларни ошириш мақсадида ташкил этилаётган ушбу мусобақани юқори савияда ўтказиш учун ЎФА тайёргарлик ишларни бошлаб юборган.