Фалькао Ла Лигадаги кетма-кет учинчи ўйинда гол урди!
27 сен 2021 08:38
Янгиликлар

Фалькао Ла Лигадаги кетма-кет учинчи ўйинда гол урди!

Радамель Фалькао ўзига қадрдон бўлган Испания Ла Лигасида ажойиб ўйинлар кўрсатишда давом этади.

Колумбиялик тўпурар "Райо Вальекано"га чемпионатдаги навбатдаги ғалабага эришишга ёрдам берди. Мадрид атрофидаги жамоа еттинчи турда "Кадис"ни 3:1 ҳисобида мағлуб этди. Мезбонларнинг голларидан бирига "Эл Тигре" муаллифлик қилди.

Бу Радамель Фалькао учун голли учинчи ўйин бўлди. 35 ёшли ҳужумчи бундан олдин "Хетафе" ва "Атлетик" дарвозаларини ишғол қилган эди.

Эслатиб ўтамиз, футболчи "Райо Вальекано" таркибига 4 сентябрда эркин агент сифатида ўтган эди.

Ҳавола :

Манба : championat.asia

Янгиликларни Телеграмда ўқинг!

Рейтинг: +8