Фаластин билан ўйинда футболчилар атайин ютқазишганми?
22 июн 2021 00:31
Янгиликлар

Фаластин билан ўйинда футболчилар атайин ютқазишганми?

ЎзПФЛ бош директори Диёр Имомхўжаев "Futbol TV" телеканали орқали эфирга узатиладиган "Офсайд" кўрсатуви меҳмони бўлди.

У 2019 йилнинг ёзида Ўзбекистон терма жамоаси футболчилари Эктор Куперни кетказиш учун Фаластинга ютқазиб беришгани тўғрисидаги миш-мишларга изоҳ берди.

— Мен эшитган гапларимга қараб иш қиладиган инсонмасман. Футболчиларни айблаш фикридан ҳам йироқман. Лекин, ўзим шубҳаланадиган ўйинлар бор. ЖЧ саралиш йўлида Ливандаги дуранг, КХДР ва Фаластинга ютқазишимиз — бу шубҳали ўйинлар. Мени аниқ фактим йўқ, шунчаки, шубҳаланаман...
Битта фикрни илгари сурмоқчиман: футболчилар айниқса терма жамоада мураббий танламаслиги керак! Улар тайинланган мураббий билан ишлаб, натижа кўрсатишга ҳаракат қилиши керак. Мен ўйинчилар терма жамоада мураббий танлаб ўтириши ҳазм қилолмайман. Ўз вақтида кўрганман, Абрамовнинг ўрнига Қосимов қўйилган даврларга Тимур Кападзе ва Сервер Жепаров федерацияга келган, "Олиб қолайлик" деб. Лекин, улар Ватан терма жамоасида ўйнаяптими, мураббий ким бўлишидан қатъий назар, жонини бериб ўйнаши керак. Тамом!

"Бунёдкор"ни ким тубга тушириб юборди?

Ҳавола :

Манба : championat.asia

Янгиликларни Телеграмда ўқинг!

Рейтинг: +43