«Евро»ни «ёндирган» Мамардашвили фаолиятини топ жамоада давом эттириши мумкин

«Бавария» жамоаси грузиялик дарвозабоннинг хизматларидан фойдаланишга тайёр ва ушбу ёзги трансфер бозорида уни сотиб олишлари мумкин. Немислар аллақачон «Валенсия»га дарвозабон трансфери бўйича музокараларни бошлашган.

Маълумот учун, Мамардашвилининг «Валения» билан тузган шартномаси 2027 йилнинг ёзига қадар мўлжалланган. Унинг трансфер нархи 50 миллион еврога баҳоланмоқда.

Эслатиб ўтамиз, грузиялик дарвозабон давом этаётган Европа чемпионатида ажойиб иштирок этди. У ўз термаси билан гуруҳ босқичидан ўтишга эришганди. Ўзи эса турнирда 30 та сейв амалга оширди.