Эшитдик-да. ЎзПФЛ ҳар ой якунида энг яхши ҳакам ва ҳакам ёрдамчисини моддий рағбатлантиради
01 апр 2021 12:32
Янгиликлар

Эшитдик-да. ЎзПФЛ ҳар ой якунида энг яхши ҳакам ва ҳакам ёрдамчисини моддий рағбатлантиради

Хабарингиз бор, жорий мавсумдан бошлаб футбол учрашувларини бошқариб борадиган ҳакамлар учун ҳақ тўлаш миқдори оширилди.

Бунгача бир қатор мусобақаларда захира ва қанот ҳакамларига тўловлар клублар томонидан амалга оширилган бўлса, 2021 йилдан бошлаб ЎзПФЛ ҳакамларнинг клублардан ҳақ олиш тартибини бекор қилди ва барча ҳакамлар гонорари ЎзПФЛ томонидан тўлаб бериладиган тизимга ўтилди.

Бизга етиб келган маълумотларга кўра, бу йилдан бошлаб ўйинларни ой давомида қониқарли бошқариб борган ҳакам ҳамда қанот ҳаками аниқлаб олинади ва улар қўшимча равишда моддий рағбатлантирилади. ЎзПФЛ бу билан учрашувларни тоза бошқариб боришни тарғиб қилишни мақсад қилган кўринади.

Маълумот учун, 2021 йилдан бошлаб ЎзПФЛ ҳакамлар фаолиятини асоссиз танқид қилаётган мураббий ва футболчиларга қарши кураш олиб бормоқда. Унга кўра, ҳакам танқид қилинган бўлса, унинг айнан қайси эпизодларига нисбатан эътироз мавжуд экани аниқ кўрсатилиши ва барчаси регламентда белгилаб қўйилгани бўйича учрашувдан кейин расман тақдим этилиши лозим.

Ҳавола :

Манба : championat.asia

Янгиликларни Телеграмда ўқинг!

Рейтинг: +6