Эшитдик-да! Достонбек Ҳамдамов терма жамоанинг кенгайтирилган таркибидан чиқарилди
15 мар 2018 09:00
Янгиликлар

Эшитдик-да! Достонбек Ҳамдамов терма жамоанинг кенгайтирилган таркибидан чиқарилди

Хабарингиз бор, Ўзбекистон терма жамоаси 23 ва 27 март кунлари Африкада иккита ўртоқлик учрашуви ўтказади.

Олдинроқ терма жамоа вақтинчалик бош мураббийи Тимур Кападзе ушбу ўйинлар учун 30 нафар футболчидан иборат кенгайтирилган рўйхатни эълон қилган эди.

Ушбу рўйхатдан "Бунёдкор" клуби ярим ҳимоячиси Достонбек Ҳамдамов ҳам ўрин олган эди. Эшитишимизга қараганда айни пайтда қайси клубдалиги номаълум бўлган футболчи рўйхатдан чиқарилган. Эслатиб ўтамиз, Ҳамдамов Россиянинг "Анжи" клуби йиғинида иштирок этганди. Бироқ клуб уни премьер-лига учун рўйхатдан ўтказгани йўқ.

Ўзбекистон терма жамоаси 23 мартда Сенегал, 27 мартда Марокаш билан ўйнайди.