Эшитдик-да! "Андижон" тўхтамаяпти. Клуб "Пахтакор" футболчисига жиддий қизиқмоқда

Про лига чемпиони Суперлигада ҳам муносиб иштирок этишни мақсад қилган. Шу боис таркибни кучайтириш, селекция ишларини жадаллик билан олиб боряпти.

Championat.asia сайтига маълум бўлишича, "Андижон" "Пахтакор" ярим ҳимоячиси Диёр Холматовнинг хизматларига жиддий қизиқиш билдирмоқда. Футболчининг олдида хориждан ҳам вариантлар бор. Легионерга айланиши эҳтимоли ҳам йўқ эмас. Барчаси тез орада ҳал бўлади. 

Ярим ҳимоячи ўтган мавсум "шерлар" либосида 12та учрашувда майдонга тушди. 

Маълумот учун, Диёр Ҳолматовнинг "Пахтакор" билан шартномаси 2023 йилнинг 31 декабрь санасигача мўлжалланган.