Эрон футболи чалкаш вазиятда
23 ноя 2018 16:10
Янгиликлар
Осиё Кубоги стартига икки ойдан кам вақт қолган бир пайтда Эрон футболида юзага келган чалкаш вазият миллий терма жамоага ҳам ўз таъсирини ўтказмоқда. Гап шундаки, ўтган ҳафта ОФК Эрон ҳукумати футболга аралашгани туфайли федерацияни расман огоҳлантирди. Кейинчалик бу ҳол Эрон ФФга нисбатан қаттиқ санкция қўлланилишига олиб келиши мумкин.
Маҳаллий матбуот Эрон футбол федерацияси президенти Меҳди Таж ва унинг атрофидаги бир нечта кишиларга нисбатан жазо қўлланилиши мумкинлигини ёзди. Маълум бўлишича, терма жамоада пул билан боғлиқ муаммолар юзага келган, шу боис эронликлар кучли жамоаларга қарши ўртоқлик учрашуви ўтказа олишмаяпти.
15 ноябрь куни "Озоди" стадионида бўлиб ўтган Эрон - Тринидад ва Тобаго ўртоқлик учрашувига атиги 2 минг мухлис ташриф буюрди. Буни эса Эрон футболи учун жуда паст кўрсаткич деса бўлади. Энг қизиғи ўйиндан кейин рўй берди. Баҳс ниҳоясига етгач, Карлуш Кейрушнинг ёрдамчиси Океано да Круз журналистлардан бирига ташланиб қолди. Кейрушнинг ўзи эса матбуот анжуманига кирмасдан тринидадлик журналистга кийим алмаштириш хонаси ёнида интервью берди.
Натижада журналистлар матбуот анжуманига бойкот эълон қилиб зални тарк этишди. Шундай қилиб ўйиндан кейинги матбуот анжумани ўтказилмади. Хуллас, Эрон томонда шунақа гаплар.
Ўхшаш янгиликлар
![AMP Logo](https://championat.asia/image/logo-amp.png)
Фикрлар