Эрон футбол федерацияси терма жамоа бош мураббийи билан шартномани узайтирди

Терма жамоа бош мураббийи Драган Скочичнинг шартномаси иккинчи раунд охиригача эди. Эрон терма жамоаси Баҳрайнда ўтказилган саралаш ўйинларини муваффақиятли якунлаб кейинги босқичга йўл олди. Форслар кетма-кет учрашувларда Гонконг, Баҳрайн, Камбоджа ва Ироқни мағлуб этишди.  

Бугун Эрон футбол федерацияси ушбу мутахассис билан шартнома узайтирилгани ҳақида расмий маълумот берди. Федерация раҳбари Шаҳобиддин Азизи Хадем хорватиялик мураббий билан музокаралар ижобий якун топганидан мамнун эканини билдирди. Эслатиб ўтамиз, Драган Скочич 2020 йилнинг февраль ойидан бери Эрон терма жамоасига устозлик қилиб келяпти.