Эрик тен Хаг ўзига янги иш топди
07 янв 00:16
Янгиликлар

Эрик тен Хаг ўзига янги иш топди

Эрик тен Хаг "Твенте"нинг техник директори бўлади.

"Аякс" ва МЮ клубларининг собиқ бош мураббийи Эрик тен Хаг "Твенте" клубининг техник директори этиб тайинланди. У 1 февралдан клубга қўшилади ва 2028 йил ёзигача шартнома имзолайди. 2026/27-йилги мавсумдан бошлаб тен Хаг аввалроқ истеъфога чиқишини эълон қилган амалдаги техник директор Ян Штрайернинг ўрнини эгаллайди.

Тен Хаг "Твенте" тарбияланувчиси бўлиб, 1989-1990 ва 1996-2002 йилларда клубнинг асосий жамоасида тўп сурган. Кейинчалик у шу клубда мураббийлик фаолиятини бошлаган. Тен Хагнинг сўнгги иш жойи "Байер" эди, у 2025 йил сентябрида ушбу жамоани тарк этган.

Ҳавола :

Манба : fctwente.nl

Янгиликларни Телеграмда ўқинг!

Рейтинг: +2