Энрике Бразилия терма жамоасини бошқариши мумкин

Манбага кўра, Бразилия футбол федерацияси терма жамоанинг Қатарда бўлиб ўтган 2022 йилги жаҳон чемпионатидаги муваффақиятсиз иштирокидан сўнг бош мураббийликка хорижлик номзодларни кўриб чиқмоқда.

Қайд этилишича, ушбу лавозимга "Челси" ва ПСЖ собиқ устози Томас Тухель, Мадриднинг "Реал" клуби собиқ бош мураббийи Зинедин Зидан ва аргентиналик Марсело Галлардо номзодлари ҳам кўриб чиқилмоқда.

Эслатиб ўтамиз, 8 декабрь куни Испания терма жамоаси бош мураббийи Луис Энрике жаҳон чемпионатининг 1/8 финалида Марокашга мағлуб бўлгач, истеъфога чиқишини маълум қилганди.