Элёр Акбаров: «Олий лига клубларидан таклиф йўқ эмас»

Шу боис бўлса керак, айни пайтда 25 ёшли ҳужумчига олий лига клубларидан қизиқиш бўлаётгани айтилмоқда. Акбаровнинг ўзи билан суҳбатлашганимизда, буни инкор этмади.

- Ортда қолган мавсум «Цементчи» ва мен учун омадли ўтди дея оламан. Ўйлайманки қувасойлик мухлисларни хурсанд эта олдик. 4-ўринни эгаллашимизнинг асосий омиллари бизда аҳил жамоа йигилганидир. Қолаверса мухлисларимизнинг далдаси ҳам сезиларли бўлди. ҳеч бир ўйин осон ўтмаганини ҳам айтиш жоиздир.  

- Ҳар бир футболчи чемпионат аввалида ўз олдига мақсад қўгани каби мен ҳам буй ил тўпурар бўлишга харакат қилдим. 20та гол уришни мақсад қилгандим. Лекин мавсум якунига келиб, чемпионатдаги голларим сони 23таниш ташкил этди. Шунга қарамай тўпурарлик насиб этмади. Очиғини айтганда, бу бироз алам қилди. Маълум муддат кайфиятга ўз таъсирини ўтказди.   

- Бугунги кунда олдимда бир қатор вариантлар турибди. Олий лигадан ҳам чорловлар йўқ эмас. Айрим клуб расмийлари мен билан аълоқага чиқиб, кўрикка таклиф этмоқда. Менимча ҳар бир футболчи доимо ўзини кучлироқ чемпионатда синаб кўришга интилади. Менда ҳам олий лигада ўйнаш имконияти бўлса, ундан фойдаланишга ҳаракат қиламан. Лекин аниқ бир қарорга келмадим. Бу борада шошилаётганим ҳам йўқ. Аввало мураббийлар билан маслаҳатлашаман. Агарда келаси йил ҳам «Цементчи»га ёрдамим керак бўлса, шу ерда қолиб ўйнашга ҳам тайёрман.  

Исломбек Рустамбеков.