Элёр Акбаров: "Нефтчи"га қарши ўйнаш мен учун осон эмас"
03 мар 2019 20:33
Янгиликлар

Элёр Акбаров: "Нефтчи"га қарши ўйнаш мен учун осон эмас"

Хабарингиз бор, куни кеча Фарғона шаҳрининг икки жамоаси, "Нефтчи" ҳамда "Истиқлол" жамоалари ўртасида янги мавсум олдидан назорат учрашуви ташкил этилди.

Мазкур учрашувдан сўнг "Истиқол" футболчиси Элёр Акбаровдан сайтимиз учун интервью ташкил этдик.

- Янги мавсумга муносиб тайёргарлик кўриш мақсадида жамоамиз бир нечта ўртоқлик учрашувларини ташкил этди. Жумладан бугун ҳам Фарғона дербисида майдонга тушдик. "Истиқлол" ҳар бир учрашувга алоҳида тайёргарлик кўради ва ғалаба учун майдонга тушади. "Нефтчи"дек бой тарихга эга жамоага қарши майдонга тушиш бизни хурсанд қилмасдан қолмайди. Лекин, масаланинг иккинчи жиҳати борки, шахсан ўзим учун "Нефтчи"га қарши ўйнаш, бу жамоа дарвозасига гол уриш осон эмас. Сабаби "Нефтчи" менинг собиқ жамоа ҳисобланади, шу боис мазкур жамоага қарши ўйинлар мен учун ўзгача руҳда ўтади.

"Истиқлол" жамоаси янги мавсумда ҳам ўз олдига Суперлигага чиқиш вазифасини қўяди. Ўтган йилларда қўлга киритилмаган натижани насиб этса 2019-йилги мавсумда уддаламоқчимиз.

Бугунги ўйинда эски жароҳатим туфайли майдонни эрта тарк этишга мажбур бўлдим. Клубимиз шифокорлари билан жароҳатим борасида гаплашдик, хавфли эмас экан, 10 кун ичида майдонга қайтаман. Янги мавсумда рақиблар дарвозасига кўпроқ голлар уриб, жамоамиз ғалабаларига ўз ҳиссамни қўшмоқчиман - дейди Элёр Акбаров

Бекзод Толибов ёзиб олди.

Ҳавола :

Манба : championat.asia

Янгиликларни Телеграмда ўқинг!

Рейтинг: +4