UZ

Сўнгги янгиликлар

07:30Суперлига. "Пахтакор" – "Сурхон" 1:0   0 01:06Умар Эшмуродов: "Футболимизнинг камчиликлари билиниб қолди"  7 00:27Жавоҳир Сидиқов: "Ютса жамоа ютади, ютқазса ҳам жамоа ютқазади"  6 00:18Элит ОЧЛ. "Насаф" - "Ал Ҳилол" 2:3  4 00:00ОФК ЭЧЛ. Ҳамробеков жамоаси дуранг ўйнади  0 23:24Камолиддин Тожиев : "Охиригача курашиб, муҳим уч очкони қўлга киритдик"  0 23:08Февзи Давлетов: "Ғалаба қозониш учун гол уриш керак, биз эса уч ўйиндан буён гол ура олмаяпмиз"  2 23:00"Насаф" бош мураббийи Рўзиқул Бердиев: "Бугун савия ва даража ўз сўзини айтди"  34 22:47"Ал Ҳилол" бош мураббийи Симоне Инзаги: "Икки бор тўп ўтказиб юборган бўлсак-да, якунда ғалабага эришдик"  20 22:27Ҳакамлар маркази "Пахтакор" - "Сурхон" ўйинидаги баҳсли вазият бўйча изоҳ берди  1 22:01УЕФА Исроилни четлатишга тайёр, аммо...  12 21:02Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди  64 20:43Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди  308 20:10Суперлига. "Динамо" ўз уйида "Шўртан"дан устун келди  12 19:50Моуринью ЕЧЛнинг янги формати ҳақида: "Ўзингиз рўбарў келмайдиган жамоаларга ўрнингизни бўшатиб бериш ғалати"  5

Элдор Суюнов: "Терма жамоага чақирилмаганимни тўғри қабул қиламан. Жой ҳеч кимга кафолатланмаган" Янгиликлар

Элдор Суюнов: "Терма жамоага чақирилмаганимни тўғри қабул қиламан. Жой ҳеч кимга кафолатланмаган"

"Пахтакор" жамоаси Coca Cola Суперлига 22-турида сафарда АГМКни йирик 6:0 ҳисобида таслим қилди.

Ушбу учрашувдан сўнг жамоанинг тажрибали посбони, Ўзбекистон миллий терма жамоаси аъзоси Элдор Суюновга бир нечта саволлар билан юзландик.

- Дастлаб АГМКга қарши кечган учрашув ҳақидаги фикрларингиз билан ўртоқлашсангиз. Нима деб ўйлайсиз, рақиб чиндан ҳам кучсиз ўйин намойиш этдими?

- Мазкур учрашувдаги ғалаба рақибнинг кучсиз ўйнагани эмас, балки бизнинг кучли ҳаракат қилганимиз эвазига қўлга киритилди деб ўйлайман.

- Биринчи даврада "Пахтакор" стадионида ўтказилган ўйинда жамоа қийналган ва якунда дуранг натижа қайд этганди. Кеча эса буни аксини кўрдик...

- Мавсумнинг биринчи қисмида ўтган ўйинда жамоамиз яхши ўйин кўрсатган эди. Шунчаки, ўшанда яратилган вазиятлардан фойдалана олмагандик. Футбол кутилмаган натижалари билан қизиқ. Ўз майдонимизда дуранг қайд этган бўлсак, меҳмонда йирик ҳисобдаги ғалабани тантана қилдик.

- Ўзбекистон миллий терма жамоаси бош мураббий  Вадим Абрамов ноябрь ойидаги йиғин учун таклиф қилинган футболчиларни рўйхатини эълон қилди. Сизни ушбу йиғинга чақирилмаганингиз кўпчилик қатори бизни ҳам ажаблантирди. Ушбу ҳолатга муносабатингиз қандай?

- Олдиндаги йиғинга чақирилган футболчиларни рўйхатини кўрдим. Дарҳақиқат ажойиб таркиб. Мен қатори барча футболчиларга терма жамоада жой кафолатланмаган. Шунинг учун миллий жамоага лойиқ эканлигингни ҳар куни исботлашинг керак. Буни тўғри қабул қиламан ва келаси йиғинга қадар мураббийлар ишончини қозониш учун ҳаракат қиламан. 

- Кўп ҳолларда эътибор берамиз жамоангиз томонидан урилган голларни нишонлашда бошқалардан ажралиб турасиз. Бу борада кимга тақлид қиласиз?

- Жамоам гол урса табиийки хурсанд бўламан. Айниқса дербиларда, принципиал рақиблар билан ўйинларда голларни нишонлаш мен учун ўзига ҳос завқ бағишлайди. 

- "Пахтакор" учун жорий мавсум нисбатан қийин ўтмоқда. ОЧЛда ҳам катта куч йўқотилди, жамоанинг аксарият футболчилар терма жамоа йиғинларида иштирок этиб қайтди. Мана шу омилларни инобатга оладиган бўлсак янги форматда декабрь ойида ўтадиган кубок баҳсларига футболчилар қандай ҳолатда етиб келиши мумкин?

- Жамоамиз учун бу мавсум ҳам ажойиб ўтмоқда. ОЧЛ баҳсларида ҳам яхши ўйин намойиш этдик, тўғри мақсадимиз бундан ҳам юқори эди. Лекин, ҳамма нарса яхшиликка деб ўйлайман. Тақдир эмас экан. Катта куч йўқотилди деган фикрингизга қўшилмайман. Чунки, миллий терма жамоанинг йиғинидан сўнг бешта ўйинни барчасида ғалаба қозондик, тўплар нисбати эса 21:2.

Абдулазиз Искандаров ёзиб олди

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика