Элдор Адҳамов “Қўқон-1912”га қарши ўйиндан кейин нималар деди?

Учрашувдан сўнг “бургутлар” посбони Элдор Адҳамов билан суҳбатлашдик.

- Ўйинга яхши тайёргарлик кўргандик, - дея гап бошлади Адҳамов. Ғалаба қозонишга жуда яқин ҳам келгандик. Бироқ охирги дақиқага гол қўйиб юбориб, муҳим уч очкони қўлдан чиқардик. Албатта, ғалаба қозона олмаганимиз алам қилади. Чунки биз уч очкога жуда яқин келгандик.

Мазкур ўйинда ғалабани ушлаб қола олмаганимизга тўхталсам, барчаси Яратган Эгамдан. Шу куни бизга ғалаба қозониш насиб қилмаган экан. Бу ўйиндан катта тажриба тўпладик. Келгусида шундай ҳолатларда қай тариқа ҳаракат қилиш бўйича малакага эгамиз.

Суперлигада қолиш вазифасини уддасидан чиқа оламиз. Биз каби бошқа клубларда ҳам имконият бор. “Андижон” эса олдида турган ўйинларда ижобий натижа кўрсатган ҳолда, Суперлигада қолишни уддасидан чиқа оламиз. Шу орқали мухлисларни хурсанд қилиш истагидамиз.